قعـده أصحاب

مقابله كانت لا ع البال ولا ع الخاطـــر ...

لأ أستنو هى مكنتش ع البال بس

لكن كانت ع الخاطر وكان نفسسى فيها من زمان ...

طبعا انتو مش فاهمين أنا بتكلم ع ايه

طبيعى ...

لانى لسه مقولتش حاجه ..

ممكن يكون الموضوع شخصى شويه وميهمش الاغلبيه

بس انا بصالو من زاويه تااانيه ..

هقولكم عليها بعد ما احكيلكم ألى حصل

أمبارح وكالعاده وأنا قاعده قدم اللاب 

رن الموبيل ... (يا بلادى يا بلادى انا بحبك يا بلادى ...)

ديه رنتى يا جماعه بس عشان أعيشكم فى الاجواء 

 

أنا : أللللو .. أزيك يا ميوي عامله ايه  ؟؟؟

مى :-

 صحبتى من ايام الكجى  ساكنه معايا فى العماره ودلوقتى فى هندسه الشروق 

مى : أنا تمام يا شوشو ايه فينك ؟؟

أنا : فى البيت هروح فين ..

مى : طب ايه يعنى فاضيه صح ؟؟

أنا : أه تمام بس خير

مى : طب ما تنزليلى شويه فى ناس عايزاكى ..

أنا : نااااس نااااس مين يا مى انا مش قادره انزل الصراحه

مى : بس انزلى بس مش هتندمى 

أنا : طب 10 دقائق ونزله

قومت لبست ونزلت 

مى فى الدور الاول وانا فى الخامس

خبطت ع الباب سمعت كلام كتير كتير وبعد كده فتحت 

أنا : أيه يا مى مين عااايزنى يا ستى

مى : ماما عايزه تسلم عليكى .. ده انتى مجتليش من ساعه الاستفتاء ع الدستور  

أنا :( باسطونتى المعهوده )... يا مى غصب عنى ما انتى عارفه ألى احنا فيه 

مى : عارفه يختى عارفه الحال من بعضو

ولايقتها بتقول بصوت عالى وهى بتبص ع بابا غرفتها

"أظهـــــر وبان عليك الأمان"

بصيت ..... مستنيه مين هيطلع ...

 لأاقيت منى

منى :-

صحبتى من كى جى بردو وكنا مع بعض فى نفس المدرسه لاغايه ثانوى وهى دلوقتى فى تجاره حلوان

مصدقتش عينيا بصراحه كان بقالى كتيـــــر اوووى مشوفتهاش جريت عليها

وقولتلها  : منى ... وحشتنى اوووووى اووووووى

وفجاءه لاقيتنى بقوله وانا فى حضنها

أنا مش عايزه الايام ديه مش عايزه ايام الجامعه أنا عايزه ارجع ثانوى تانى عايزه ارجع ثانوى تانى

عجبتكم القصه صح ..

 ولو حتى معجبتكوش انا مش جايه احيكها بالتفصيل

انا جايه اتكلم ع كلمه معينه قولتها

ولما قعدت فكرت فيها 

معرفش قولتها ليه وهى الجمله ديه

أنا مش عايزه الايام ديه مش عايزه ايام الجامعه أنا عايزه ارجع ثانوى تانى عايزه ارجع ثانوى تانى

ليه قولت الجمله ديه لــمنــــى ؟؟؟

  هى وحشتنى فعلا هل بجاملها .. !!!

بس لأ انا كنت حاساه اووووى وانا بقولها 

ليه قولتلها كده وبعد ما قعدت فكرت لاقيت

ان ربنا رزقنى الحمد الله بأصحاب ميقلوش مضمون

وروعه و أدب وأخلاق عن

 منــــى 

و

مــــــى

حسيت انى ظالمت أصحابى الى معايا دلوقتى

ألى بعتبرهم أهم حاجه فى يومى وفى كل يوم بشوفهم

بيكون بمثابه أسطوره جديده بنكتبها مع بعض فى كتاب صدقتنا

أعذرونى يا أصحابى ..

أنا فعلا بحبكم بحبكم جدااا بحبكم قد ما بحب منى ومى ..

وقصرت فى حقكم لما قولت الجمله ديه  ..

أنتو أغلى حاجه عندى دلوقتى