الفاضــى يعمل أيه

   

كان يا مكان يا سعد يا أكرام وما يحلى الكلام إلا بذكرالنبى

عليه الصلاه والسلام     

تعلو نرجع كده بالذكريات لأيام ما بلدنا ما كانت بلد .. مش هتكلم ع الفساد

انا بتكلم ايام ما كان البلد تعرفلها  اول من أخر أيام  أنت وانت قاعد كده
 لو طقت فى دماغك تأخد بعضك وتسافر هتسافر ومش هيهمك 

ولا هتقول .. طب ما انا أبعت حد يستكشف الطريق ويشوف 

مواعيد قطاع الطرق والبلطجيه ألى ع الزراعى و الصحراوى أمتى ؟؟

عشان اسافر أنا فى وقت "البريك" بتاعهم 

أيام لو كنت راجع وش  الصبح مع العائله الكريم من مشوار ولا حاجه
تلاقيك مستمتع ببلدك وهى منوره كده من كل حته 

وتقول : ياااااااه متبقاش مصر كده ع طول ليه يا بشر ؟ ديه احلى من بلاد بره                                                                                            

بس كفايه عليكو كده

  كانت الأيام ديه تلاقى حد من الناس المثئــفه

يقولك أيه بقى

  يا أخى أحنا عيبنا  

( اننا بنقعد نقول الفرعنه عملو والفرعنه سو )

طب ما نعمل أحنا كمان عشان لما الجيل ألى بعدينا يقول

  ده ألى قبلينا عملو و سوُ

وكان الأخ يا أخى ده ألى متوجهلو الكلام يقولو

يا عم الفرعنه عملو.. أأأأه ... بس خدولهم يجى قرون

استنى انت بس علينا ... حبه حلوين وانت تشوف

تعالو بقى نبص ع بلدنا المحروسه ..دلوقتى .. أدينا نضفناها من ألى كانو سرقنا ..  

يلا بينا بقى عشان نشتغل 

 ..

 .هاااا شدو حيلكو يا شباب

لألأ لأ ... نشد حيلنا مين... يا عم روح.... وهنسيب حقنا فى السنين الى فاتت ديه أزاى ؟؟؟

 ( يا حقنا يا بلاش مش هنتحرك خطوه غير لما حقنا يرجع ... حكمو رموز الفساد )

"طب ماشى يا شباب هنحاكملكم رموز الفساد ... بس أشتغلو أنتو وأبنو ألى باظ فالبلد ... ماشى"

"طب خلاص ماشى ... بس انتو تحاكمو رموز الفساد"

"حاضر يا حبايبى عيونى"

ويعدى عشروميه من ميه من الزمن وتلاقيهم

"ايه ده.... ايه ده ... ايه ده أنتو محكمتوش الناس ليه"

"يا حبايبى ما الموضوع بياخد مسارو القانونى .. روحو كملو شغلكم بس"

 ألى اساساً لسه مبدئوش فيه ..بس اتكلمو عنو 

  ويقولولك : أحنا رسمنا  الخطوط العريضه والحمد الله

 "طب روحو كملو طيب"

 "لأ بقى حكموهم الأول وأحنا نشتغل" 

يا عيال أستغلو الوقت .. أنتو أشتغلو فى مجالكم وسيبولنا مجالنا ... ونشوف نتايج كل واحد فينا فى الأخر ...   

"هنتفرج طيب عليكم وأنتو بتشتغلو وبتحكموهم ...
ده يوم الجمعه وده يوم اجازه رسمى بقى واحنا احرار نقضى يومنا برحتنا "

 ....

طب ماشى برحتكم ... أنتو ناس واعيه وعقله وعرفينا مصلحه بلدكم كويس طبعا

شويه ويجو تااااانى 

 ...

 "لأ بصو بقى ... "خالد سعيد" ملف قضيته اتقفل أيام الحكم الفاسد

والواد أتظلم ... لأزم يا أخد حقه  بردو مش كده ... حراااام ...
أحنا هنستنى تفتحو ملف قضيتو تانى وتدولو حقو ألى أتهضم 

ويبقى الحال كما هو عليه زى ما قال الراجل 

المثئف ألى فوق 

يا أخى الشعب المصرى ده عمره مهيتقدم طول ما بيقعد يقول الفرعنه عملو و سو وس

 ..

وهنا المثل بيقولك ..
الفاضى ..... ينبش فى الماضى